Candwr Fferm Solar
Trydan glân i dros 45,000 o gartrefi teuluol, bob blwyddyn
Wedi’i leoli ar dir tua 5km i’r gogledd-ddwyrain o Gasnewydd, 500m i’r dwyrain o Bonthir ac 1.4km i’r gogledd o Gaerllion, bydd Fferm Solar Candŵr yn cynnwys adeiladu, gweithredu, cynnal a chadw a datgomisiynu cyfleuster fferm solar sy’n gysylltiedig â’r grid.
Byddai gan y fferm solar y capasiti i gynhyrchu hyd at 46 MW o drydan, gan ddarparu ynni adnewyddadwy gwyrdd i Waith Triniaeth Fferm y Llys Dŵr Cymru Welsh Water.
Dysgwch ragor am ein cynigion ar ein tudalen Prosiect.
Rydym yng nghyfnodau cynnar datblygiad Fferm Solar Candwr. Dros y misoedd nesaf, byddwn yn ymgynghori â’r gymuned leol i gael eich barn a sicrhau bod ein cynigion yn sensitif i’r ardal leol a’r amgylchedd.
Dysgwch ragor am y broses ymgynghori a chynllunio ar y dudalen Proses.
Mae solar yn darparu ffynhonnell ynni adnewyddadwy carbon isel sy’n rhatach ac yn gyflymach i’w defnyddio na dewisiadau eraill. Byddwn hefyd yn darparu gwelliannau i fioamrywiaeth ar y safle, a phecyn buddion cymunedol fel rhan o’n cynigion.
Dysgwch ragor am fanteision Fferm Solar Candwr ar ein tudalen Manteision.
Rhowch eich cyfeiriad e-bost i gael y wybodaeth ddiweddaraf am y cynigion. Dim ond at ddibenion darparu gwybodaeth a diweddariadau ar Fferm Solar Candwr y bydd unrhyw gyfeiriadau e-bost a ddarperir yn cael eu defnyddio.
Mae rhagor o wybodaeth am y cynigion a’r broses ymgynghori ar gael ar Wefan Cynllunio Seilwaith Cenedlaethol y Llywodraeth.
Ynghylch TotalEnergies yn y DU
Mae TotalEnergies wedi bod yn bresennol yn y DU ers dros 60 mlynedd. Yn ystod y cyfnod hwnnw, rydym wedi tyfu i fod yn un o’r cwmnïau aml-ynni mwyaf yn y byd. Rydym wedi cael ein hintegreiddio’n llawn ar draws pob sector o’r busnes ynni, o archwilio a chynhyrchu i weithgynhyrchu a marchnata cynhyrchion a gwasanaethau ynni.
Mae ein 100,000 o weithwyr ar draws 130 o wledydd wedi ymrwymo i gynhyrchu ynni gwell sy’n fwy fforddiadwy, dibynadwy, glanach, a hygyrch i gynifer o bobl â phosib.
Er mwyn cyflawni ein huchelgais o fod yn chwaraewr o’r radd flaenaf mewn trawsnewid ynni, rydym yn arallgyfeirio ein cynnig ynni i ddarparu’r ynni adnewyddadwy ac wedi’i ddatgarboneiddio y bydd ei angen ar ein cwsmeriaid yn y dyfodol.
Rydym yn parhau i ehangu yn y farchnad ynni adnewyddadwy (gwynt a solar), gyda’r nod o ddod yn un o bum cynhyrchydd trydan adnewyddadwy gorau’r byd. Ein nod yw cynhyrchu 100 TWh y flwyddyn o drydan yn fyd-eang erbyn 2030.
Er mwyn diwallu galw cynyddol y DU am ynni gyda llai o allyriadau carbon, rydym yn gwneud buddsoddiadau mawr mewn cynhyrchu trydan o ffynonellau adnewyddadwy.